من طرف Lila الخميس 11 أبريل 2013 - 18:42
3 انواع من العجينة و كل عجينة نخدمو منها عدة انواع من الحلويات
عجينة1
كيلة زيت
كيلة سمن
كيلة حليب
مستخلص ماء زهر مركز
قرصة ملح
الفرينة
نحط السوائل و الملح و روح الزهر و نشيح بالفرينة حتى تتلم نحطها في الصلاجة شوية باه تجينا ساهلة نعملوها نلمها برك ما نعجنوهاش و نخلوها ترتاح
الحشو
2 كيلات لوز مرحي
كيلة ناقصة شوية سكر
افاني مغرفة ديسير
ماء زهر
شوية ايدام زبدة او سمن
نلمها بماء الزهر و نعجنوها عكس العجينة
العجينة لي بالفرينة من الأحسن مانعجنوهاش و الحشو من الأحسن يتعجن باه تجي معسلة
نخدم بيها
التشاراك المعسل
العرايش
الكعيكعات نقدرو نديرولو التسكار او نديرولو الطلية
التشاراك نفس الطريقة لكن شكله مثل القرن
عش البيض يمشي مع التاي نعملو كعيكعة نبرمو جهة و نحلو جهة بصبعنا و ندخلوها فيها و نقشوها بالنقاش و نضع في الوسط شوية فتيلة
زهرة ال فيها نوعين نوع و نوع يجي مثلث يعني الحشوة تاعو نحطوها مدورة
يطيبو درجة حرارة 180
عجينة 2
عجينة اللوز نعملو منها 4 انواع نحلوها رقيقة بزاف لهذا يجي الحشو اكثر من العجينة
اللوزيةتلون عجينة الأوراق بالأخضر
المشكلةعقدة كيما بابيون
نعملوها مدورة رقيقة ثم نطبقوها على النص و في الوسط نحطو حبة جوز
الفنيد يجيو زوج دواور فوق بعضاهم
لي كورني
3 كيلات فرينة
نص كيلة ايدام مارغرين خاصة بالتوريق لي يديرو بيها لي صالي
نص كيلة ماء زهر
افاني شوية
قرصة ملح نسيروها باه ما تقطعناش العجينة
نلموها بالماء اذا احتجنا و اذا تلمت ماكان لاهما نعجنوهاش نلموها برك ترتاح
الحشوة
كيلة شوية كبيرة
3 كيلات لوز نمسحو نحيولو الغبرة و نرحيوه
كيلة و نص سكر رطب او حرش هي حطت رطب
البيض نبل بيه حشوة اللوز نلمها بالبيض تجي لونه غامق
نفرش الفرينة باه ما تلصقش