طريقة تحضير الكسرة

يا اختي الكسرة هذه حنا
نسموها رخساس كي كنت في دارنا نطيبها سميد و ندير فيه زيت و ملح و نبل
بالماء و نلمها من بعد نخليها ترتاح شوي حتى تذوب حبة السميد و نبدا نعجن و
نزيد الماء الا كانت يابسة برك الزيت لازم تبسيها باه ما تجيكش يابسة انا
ندير حفرة في وسط السميد و نعمرها و كي ندير العجينة كويرات نزيد ندهنهم
بالشوي زيت و نضرب الكسرة
وكي زوجت صبت عجوزتي تخبز بطريقة اخرى لقيتها ما تعبش و ما تستهلكش زيت
ياسر وهي انا تضيف للسميد مع شوي زيت الخميرة و تعجن و تكورالعجون و تضربهم
و طيب تجي كسرة روعة و ما تيبسش
نتمنى انه فدتك شوي

اختي نعطيك كسرتي
والسر مش في المكونات فقط بل في طريقة العجن وطراوة العجينة لاهي يابسة وناشفة ولا هي طريية بزاااف عينك ميزانك
نحط سميد حق زوج خبزات ندير في كل واحدة حفرة صغيرة بيدي بحجم البيضة
نملاها زيت + ملح + لكل قرصة ملعقتين كبيرتين فرينة وملعقة صغيرة خميرة
كيميائية
لان مفعول الخميرة الكيميائية يكون في الفرينة وليس في السميد فهمتي وكاين
اللي يضيف خميرة المطلوووع لكن انا نفضل نتاع القاطو خير تعطيها هشاشة كي
القفريط
بعدها خلطي كل المكونات واعجني بماء فاتر بكفوفك ورطبي العجينة مليح حتى
يولي لونها فاتح شوية اقسميها على اثنين واعدليها مليح قرصيها بعد ما تدهني
القصعة بالزيت وطيبيها ورديلي الخبر اوكي ؟